Басты бет Саясат Президент Президент бөгеттің бұзылуы салдарынан зардап шеккендерге көмек көрсетуді тапсырды

Президент бөгеттің бұзылуы салдарынан зардап шеккендерге көмек көрсетуді тапсырды

Қазақстан президенті Қасым-Жомарт Тоқаев Өзбекстанда бөгет бұзылып, Қазақстанның екі ауылын су басуына байланысты тапсырма берді, деп хабарлайды Sputnik Қазақстан

«Өзбекстандағы су қоймасы бөгетінің бұзылуы салдарынан Түркістан облысының Жеңіс және Жаңа тұрмыс ауылдарын су басты. Бүгін премьер-министр Асқар Мамин мен облыс әкімі Өмірзақ Шөкеев ауыл тұрғындарын эвакуациялау бойынша қабылданған шаралар туралы баяндады»,  — деп жазды ол Twitter-де.

Тоқаев сондай-ақ зардап шеккен отбасыларға көмек көрсетуді тапсырғанын атап өтті.

Бұған дейін Түркістан облысының әкімі Өмірзақ Шөкеев Мақтаарал ауданындағы бірнеше елді мекенді су басу жағдайы бақылауда екенін айтып, тұрғындарды дүрбелеңге салынбауға шақырған болатын.

Төтенше жағдайлар комитетінің хабарлауынша, 2020 жылдың 1 мамырында таңғы сағат 05:10-да Сардоба су қоймасы бөгетінің төменгі бөлігі шайылып кетуіне байланысты Өзбекстан Республикасының Сырдария облысы Сардоба ауданының аумағында су жайылған.

Негізгі су ағынын азайту үшін өзбек тарапы суару каналдары желісіне шлюзді ашты. Осыдан соң Түркістан облысы Мақтаарал ауданының шекара коллекторлары толып кетті, бұл судың каналдан шығып, Жеңіс және Жаңа Тұрмыс елді мекендерін басып қалуына әкеп соқтырды.

Сырдарияда бөгет бұзылды

Еске сала кетейік, Өзбекстанның Сырдария облысында су қоймасындағы бөгеттің бұзылуы салдарынан екі бала көз жұмды, 56 адам түрлі дәрежедегі жарақатпен ауруханаға түсті.

Бөгеттің бұзылуы салдарынан елді мекендерге, коммуникациялар желілері мен ауыл шаруашылығы жерлеріне үлкен шығын келді. Тұрғын үйлер мен басқа да нысандарды су басты.

Өзбекстан төтенше жағдайлар министрлігінің мәліметінше, ағынды су канал арқылы Арнасай көліне ағызылды. Бөгет бұзылған жерде жағалауды бекіту жұмыстары жүргізіліп жатыр.

Су қоймасы маңында тұратын 70 мыңға жуық адам қауіпсіз аймақтарға эвакуацияланды. Эвакуацияланған адамдар тамақпен, дәрі-дәрмекпен, демалуға арналған орындармен қамтамасыз етілді.

Оқиға орнына Өзбекстан президенті Шавкат Мирзиёев келді, үкіметтік комиссия құрылды.

Оқи отырыңыз:

Фото: Akorda.kz

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз

Соңғы жаңалықтар

«Сәлафиттер жас балаларды 40 күнге шымылдыққа қамап, зорлықпен Құран жаттатқызып жатыр» – қоғам белсендісі

Әсіредіншіл сәлафиттер балаларды дінге зорлықпен тартып, күштеп Құран жаттатуға көшкен. Фейсбук қолданушысы Әмина Смағұлова өзінің парақшасында Сарыағаш мешітінде өзгеше әдіспен Құран жаттап жатқан балалардың...

Тоқаев «халық ақшасын алсын» десе, БЖЗҚ «алмасын» деп жанталасуда

Кезінде Қазақстанның зейнетақы қорлары қауымдастығын басқарған маман, зейнетақы жүйесі саласының сарапшысы Айдар Әлібаев "Ақ Жайық" басылымына сұхбат берген екен, деп жазады zakon.kz. Ол өте жоғары...

Арыста әскери сайыс жаппай төбелеспен аяқталды (видео)

Бас жүлдеге бола бас жаруға дейін барды. Арыс қаласында әскери дайындық пәнінен өткізілген оқушылар арасындағы сайыс жаппай төбелеспен аяқталды, деп хабарлайды КТК телеарнасы. Жеткіншектер әділқазылардың...

«100 мың теңге жоғалтасыз»: зейнетақы қоры ескерту жасады

Бірыңғай жинақтаушы зейнетақы қоры пайдаланылмай қалған зейнетақы төлемінің тиімсіз тұсын атады, деп хабарлайды Sputnik Қазақстан қордың ресми сайтына сілтеме жасап. Айта кетейік, Бірыңғай жинақтаушы зейнетақы...

Ұлт зиялылары Арон Атабекті босатуды сұрап Тоқаевтың атына хат жолдады

Олжас Сүлейменов, Мұрат Әуезов, Ұлықбек Есдәулет бастаған зиялы қауым өкілдері саяси тұтқын Арон Атабекті босатуды сұрап Мемлекет басшысы Тоқаевтың атына үндеу жолдаған. Ұлт жанашырларының...

Қазақстанда ресейлік нөмірлі Lada мен «ВАЗ» қаптады

Қазақстанда Lada мен ВАЗ көліктерін сату туралы 25,3 мың хабарландыру жүр, деп жазады zakon.kz kolesa.kz сайтына сілтеме жасап. Қызығы, сол 25,3 мың Lada-ның (ВАЗ) 13,3...

Димаш жанкүйерлеріне тосын мәлімдеме жасады

Қазақстандық танымал әнші Димаш Құдайберген жанкүйерлеріне әлеуметтік желіде неге көрінбей кеткенін айтты, деп жазады Sputnik Қазақстан.   Посмотреть эту публикацию в Instagram   Публикация от Dimash Kudaibergen (@kudaibergenov.dimash) Жаңа...