Ресей коронавируспен күресуге көмектесу үшін Қазақстанға мамандар жібереді. Бұл жайында Қазақстан премьер-министінің ресми сайты хабарлады, деп жазды Sputnik Қазақстан.
Үкімет басшылары әңгіме барысында CОVID-19-дың таралуына қарсы күрестегі бірлескен шараларға ерекше көңіл бөлген.
«Ресей тарапы Қазақстанға дәрі-дәрмек және шығын материалдарымен бірге тест жүйелері түрінде гуманитарлық көмек көрсетуге, сонымен қатар жұқпалы аурулар госпитальдары мен вирусологиялық зертханаларды ашу бойынша мамандарды Қазақстанға жіберуге дайын екенін білдірді», — делінген ақпаратта.
Сонымен қатар қос тарап сауда-экономикалық және көлік салаларындағы екіжақты ынтымақтастықтың, сондай-ақ ЕАЭО аясындағы өнеркәсіптік кооперация мен өзара іс-қимылдың өзекті мәселелерін талқылады.
Айта кетейік, Қазақстанда коронавирус инфекциясын жұқтырған науқастар саны 21 327 адамға жетті, 13 008 адам жазылып шықты, 188 адам қайтыс болды.
Фото pixabay.com сайтынан алынды
Оқи отырыңыз:
- 1 шілдеден бастап темекі қымбаттайды
- Пандемия кезінде Абай фильмі қалай түсіріледі – министр жауап берді
- Fitch Ratings Халықаралық рейтингтік агенттігі «Самұрық-Энерго» АҚ-ның бірқатар рейтингтерін жоғарылатты
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
