Төтенше жағдай кезінде саунада сауық құрған шенеуніктердің тізімі енді әкіммен толықты. Түркістан облысы Шардара ауданының әкіміне ұқсайтын адам бастаған бір топ шенеуніктің моншада отырған видеосы әлеуметтік желіде талқыланып жатыр, деп хабарлайды КТК телеарнасы.
Жұрт пандемиядан оқшауланып жатқанда, төтенше жағдайды қамтамасыз етуі тиіс лауазым иелері түнде моншаға қызметтік көліктерімен барған.
— Бүгін сәуірдің 15-і, 2020 жылы, Шардара қонақ үйінде тұрған автокөліктер.
— Не, тыныштық па?
— Есімдеріңіз?
— Қайрат.
Видеода бетперде таққан бір топ полицей Шардара ауданы әкімі Қайрат Жолдыбай мен аппарат басшысы Ғалымжан Амантайға ұқсайтын және өзін «бірінші орынбасармын» деген үшеудің моншада отырған жерінен сау ете түседі. Алайда шенеуніктерде бетте маска түгілі, бұтта шалбар да жоқ. Ролик авторының сөзінше, видео 15 сәуірдің түнінде түсірілген. Бұл кезде бүкіл елде коронавирусқа қатысты төтенше жағдай жарияланғанына ай толған еді.
Президент жарлығына сәйкес, барлық ойын-сауықтық, қоғамдық монша секілді орындар мен қонақ үйлер бұл уақытта жабық болуы тиіс. Бұл туралы облыс билігі әзірге еш пікір білдірмеді. Ал облыстық әдеп кеңесі моншадағы мемлекеттік қызметкерлері туралы тіпті білмейтін болып шықты. Аталған дерек бойынша облыстық полиция департаменті ғана жауап берді. Яғни, полицейлер ол жерге жат ағым өкілдері жиналып жатыр деген қоңырау бойынша барған. Ал шенеуніктердің әрекетінде «карантинді бұзу жоқ» деп мәлімдеді. Алайда президент жариялаған төтенше жағдайдың бұзылғанына қатысты түсінік бермеді.
Оқи отырыңыз:
- АҚШ: коронавирустың жаңа түрі Алматыдағы зертханадан таралмаған
- Жәрдемақы өседі: Тоқаев маңызды заңға қол қойды
- Іштегі майды кетіру үшін не істеу керек: Диетолог үздік бес тәсілді атады
Фото: видеоның скриншоты
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
