Шымкентте жігіт сүйіктісінің атына төрт телефонды несиеге рәсімдеп, қашып кеткен

Фото pixabay.com сайтынан алынды

Шымкентте жігіт ғашығына 4 телефонды несиеге рәсімдеп, қашып кетті, деп хабарлайды Polisia.kz.

Шымкент қаласының Абай ауданы Полиция басқармасына жергілікті тұрғын арызданған. Жәбірленуші қыздың айтуынша, жігіті сеніміне кіріп, оның атына төрт “Samsung-А32” маркалы ұялы телефонын несиеге рәсімдетіп алған.

Арада уақыт өте жігіті ұялы телефонына жауап бермей, несие төлемін жасамай, бой тасалаған. Келтірілген шығын көлемі 800 мың теңгені құрады.

Полицейлер азаматтың жеке басын анықтап, ұстау шараларын жүргізді. Екі күн бойы үзіліссіз қажетті іс-шараларды атқарып, нәтижесінде алаяқтық жасаған жігітті қала аумағынан қолға түсірді.

Тергеу барысында ұсталған жігіт ұялы телефондарды өзінің бас пайдасы үшін сатып жібергені анықталды.

Қазіргі таңда ол азаматқа қатысты ҚР ҚК-нің 190-бабы 2-бөлігімен (Алаяқтық) қылмыстық іс-қозғалып, сотқа дейінгі тергеу амалдары жүргізілуде. Бұдан бөлек басқа да қылмыстарға қатысы бар-жоғы анықталып жатыр.

Оқи отырыңыз:

Біздің әлеуметтік желілердегі парақшаларымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз