Басты бет Әлем Сирия бойынша Астана процесінің келесі отырысы қазанда өтеді

Сирия бойынша Астана процесінің келесі отырысы қазанда өтеді

Бұл туралы Астана процесі шеңберіндегі Сирия бойынша кезекті 13-ші халықаралық кездесуінің қорытындысында Иран Ислам Республикасы, Ресей Федерациясы және Түркия Республикасының Астана форматындағы кепіл мемлекеттер ретінде мәлімдемесінен кейін белгілі болды.

Астана процесі шеңберіндегі Сирия бойынша кезекті 13-ші халықаралық кездесуі мәресіне жетті.  Отырысқа Сирия Араб Республикасы үкіметінің және қарулы оппозиялар топтары мен делегациялары, қатысушылар мен байқаушылар қатысты, деп хабарлайды baq.kz.

Шара қорытындысы бойынша сыртқы істер министрінің орынбасары Роман Васильенко мәлімдеме оқыды.

«Астана процесі аясында Сирия жөніндегі 13-ші халықаралық кездесу мәресіне жетті. 2017 жылдан бері Қазақстан Тұңғыш Президенті Нұрсұлтан азарбаевтың қолдауымен жүзеге асырылып жатқан бұл процесс Сирияда бейбітшілікті орнату жолында орасан зор жетістікке жеткені сөзсіз. Бұл процесс көптеген екіжақты және көпжақты тараптардың Сирия бойынша атқарған күшінің нәтижесі деуге болады. Бүгінгі кездесу – Астана процесіне кепіл елдердің Сирия мәселесін бейбіт жолмен  шешуге ұмтылысы. Осымен байланысты 13-ші халықаралық отырыс қорытындысы бойынша кепіл елдер  — Иран, Түркия, Ресейдің бірлесе қабылдаған мәлімдесін жариялаймын», — деді Роман Васильенко.

Ол 13 пунктен тұрады:

  1. Сирия Араб Республикасының егемендігіне, тәуелсіздігі, территориялық дербестігіне, сонымен қатар БҰҰ жарғысының мақсаты мен принциптеріне өзінің бұлжымайтын көзқарасын растады.
  2. Осыған байланысты жалпыға бірдей қабылданған халықаралық құқықтық шешімдерге құрметті, оның ішінде Сирияның Голанына басқыншылық жасаудан бас тартқызатын БҰҰ сәйкес резолюциясының қаулысын бекітті. Бұл ең алдымен БҰҰ Қауіпсіздік кеңесінің 497-резолюциясы.
  3. Идлиб аймағында ушығуды тоқтату жағдайын мұқият қарастырды және Идлиб бойынша барлық келісімді толық орындау жолымен «жерде» тыныштық орнату қажеттігі ерекше аталды. Ең алдымен 2018 жылдың 17 қыркүйегіндегі Меморандум. Аймақтағы «Хейат Тахрир аш-Шам» (Қазақстанда тыйым салынған) террористік ұйымының ұлғаюына алаңдаушылық туралы айтылды және ДАИШ, «Джабхат ан Нусра» және «Аль-Каида немесе ДАИШ-пен (Қазақстанда тыйым салынған) байланысты тұлғалар, топтар, ұйымдар мен кәсіпорындарды, БҰҰ Қауіпсіздік кеңесі осыларға теңестіріп бекіткен басқа да террористік топтарды түбегейлі жоюдағы көзқарастар аясында ынтымақтастықты жалғастыру шешімін бекітті. Бейбіт тұрғындар арасындағы қаза тапқандарға көңіл білдіре отырып, халықаралық гуманитарлық құқық нормаларына және Идлиб ушығуды тоқтату аймағының ішінде және сыртында жүрген кепіл-мемлекеттердің әскери қызметкерлерінің қауіпсіздігіне сәйкес азаматтық позициядағы халықты қорғау бойынша бұған дейінгі келісімдер негізінде нақты шаралар қолдануға келісті.
  4. Сирияның солтүстік-шығысындағы жағдайды талқылады және бұл аймақтағы ұзақмерзімді тұрақтылық пен қауіпсіздікке жету тек елдің егемендігі мен территориялық дербестігін құрметтеу негізінде мүмкін екенін аталып өтті.
  5. Осыған байланысты терроризммен күрес, оның ішінде заңсыз өзін басқару бастамасы деген желеумен «жерде» жаңа реалийлерді құруға тырысудан бас тартты. Көрші елдердің ұлттық қауіпсіздігіне қауіп төндіретін Сирияның егемендігі мен территориялық дербестігін бұзуға бағытталған сепаратистік жоспарларға нық қарсы тұруымызды білдірдік.
  6. Сириялық қақтығыстың әскери шешімі жоқ екеніне көз жеткізгенімізді білдірдік және Сочидегі Сириялық ұлттық диалог конгресінің шешіміне, БҚҚ ҚК 2254 резолюцияна сәйкес БҰҰ көмегімен сириялықтардың өзі жүзеге асырып жатқан саяси процесті сүйемелдеуді жақтайтынын растаыдық.
  7. Сочи қаласындағы Сирия ұлттық диалогы Конгресінің шешімдеріне сәйкес, Женевадағы Конституциялық комитетті қалыптастыру мен іске қосу мәселелері бойынша үшжақты форматта және БҰҰ Бас хатшысы Гарри Педерсонның арнайы елшісі кеңсесінің өкілдерімен бірлесіп егжей-тегжейлі консультациялар өткіздік. Орган процедурасының құрамы мен қағидаларын нақты бекіту бойынша қол жеткізген табыстарды атап өттік және комитеттің жақын арадағы шақырылымына дайын екенімізді растадық.
  8. Астана форматының бейінді Жұмыс тобы аясында 2019 жылдың 31 шілдесінде күшпен ұсталған тұтқындарды босату бойынша кезекті табысты операциямен құттықтадық. Бұл жұмыс тобының өзінің өзектілігін және сириялық тараптар арасында сенім орнатуда тиімділігін көрсеткен бірегей механизм екенін атап өттік және оның жұмысын жандандыру мен жалғастыру шараларын жасауға уағдаластық.
  9. Сирия аумағындағы барлық сириялыққа алдын ала шартсыз гуманитарлық көмекті арттыру қажеттігін атап өттік. Сириядағы гуманитарлық ситуацияны жақсартуды және саяси реттеу процесін қолдау мақсатында халықаралық қауымдастықты, БҰҰ мен оның гуманитарлық агенттіктерін Сирияға көмекті арттыруға шақырдық. Оның ішінде негізгі инфрақұрылым нысандарын – су және электрмен қамту, мектеп, ауруханаларды тезірек қалпына келтіру және гуманитарлық минасыздандыру жобаларын жүзеге асыруға мән берген жөн. Сирияға гуманитарлық көмек мәселелері бойынша Халықаралық конференция өткізу туралы идеяларды талқылап, пікір алмастық.
  10. Босқындардың қауіпсіз әрі ерікті түрде қайтып келуіне, Сириядағы адамдардың ішкі қозғалысына, қайтып келу құқығымен қамтамасыз етуге көмектесудің маңызды екенін баса айттық. Осыған байланысты, халықаралық қауымдастықты сәйкес қолдау көрсетуге шақырдық және барлық мүдделі тараптармен, оның ішінде БҰҰ Босқындар ісі бойынша Жоғарғы комиссар басқармасымен, өзге де маманданған халықаралық ұйымдармен өзара әрекеттесуге дайындығымызды растадық.
  11. Астана процесінің жаңа бақылаушылары ретінде Ирак пен Ливан делегацияларының қатысуын мақұлдадық. Бақылау елдер — Иордания, Ирак және Ливанның Сириядағы бейбітшілік пен тұрақтылықты орнату ісіне өз үлесін қосатынына сенім білдірдік.
  12. Нұр-Сұлтан қаласында 13-халықаралық кездесу өткізгені үшін Қазақстан билігіне шынайы алғыс білдіреміз.
  13. Сирия мәселелері бойынша Астана форматындағы келесі Халықаралық кездесуді Нұр-Сұлтан қаласында 2019 жылдың қазан айында өткізуді ұйғардық.

Соңғы жаңалықтар

Қызылордадағы жол апаты: аялдамада тұрған бір үйдің екі баласы қаза болды

Бүгін, 21 қарашада Қызылорданың Назарбаев даңғылында болған жол апатынан екі оқушы көз жұмды, деп хабарлады Sputnik Қазақстан облыстық полиция департаментіне сілтеме жасап. Ресми мәліметке сәйкес,...

Қызылордада Toyota Camry аялдамада тұрған адамдарды соқты: үшеуі көз жұмды (видео)

Қызылордада Toyota Camry көлігінің жүргізушісі автобус аялдамасында тұрған адамдарды соқты, салдарынан оқиға орнында үш тұрғын көз жұмды, деп хабарлады Sputnik Қазақстан Қызылорда облысы полиция...

Шымкенттің автобус жүргізушілері мен кондукторлары наразылыққа шықты (видео)

Шымкентте автобус жүргізушілері мен кондукторлар жұмысқа шығудан бас тартып отыр, деп хабарлайды «Астана» телеарнасы. «Shymkent Bus» автопаркінің елуге тарта қызметкері жұмыс берушінің жалақы сұрап барғандарды...

Тек Димаш үшін ғана Жапония ән байқауы шартын өзгертті (видео)

Димаш Құдайберген үшін ғана ABU TV Song Festival 2019 халықаралық байқауының ұйымдастырушылары өз шарттарын өзгертіп, оған үлкен құрмет әрі ерекше ізет көрсетті, деп хабарлайды...

Кем дегенде 20 жылға сотталады: бас прокуратура жаңа заң жобасын таныстырды

Бас прокуратура педофилия үшін қылмыстық жауапкершілікті күшейтуге арналған заң жобасын депутаттарға таныстырды, деп хабарлайды Sputnik Қазақстан. Бас прокурордың орынбасары Марат Ахметжановтың айтуынша, жыныстық қатынасқа қатысты...

Шымкентте аурухана бас дәрігері адам органдарын заңсыз алғаны үшін ұсталды

Ағымдағы жылдың 18 қарашасында ІІМ тергеу басқармасы Шымкент қаласындағы №1 қалалық клиникалық ауруханасының бас дәрігері Донбай Абылай Абдужаппарұлын ұстап, қамауға алды, деп хабарлайды Zakon.kz...

Сөгіс пен жұмыстан шығару – Тараз полициясының бастықтары жазаланды

Облыс әкімі Асқар Мырзахметовтің тапсырмасымен мектептерде оқушылардың қауіпсіздігін қамтамасыз етудегі кемшіліктерді анықтау, оның ішінде мектеп инспекторлары мен бейнекамералардың жетіспеушілігі, оқу орындарының аумағында қоршаудың, санитарлық...