Солтүстік Қазақстан облысында тас жол бойында белгісіз біреулер жеңіл көлікке оқ жаудырды, деп хабарлайды Sputnik Қазақстан.
Посмотреть эту публикацию в Instagram
Әлеуметтік желіде ақ түсті Hyundai Accent-тің фотосы тарады. Оған жан-жақтан оқ атқаны анық көрініп тұр. Көліктің сау-тамтығы қалмаған. Терезесі, бампері, шамы сынған. Есіктерін де оқ тесіп тастапты. Облыстық полиция департаменті жеңіл көлікке оқ атылғанын растады.
«18 желтоқсан күні сағат 11:00-дің шамасында «Челябі-Новосибирск» тасжолының 635 шақырымында Чистое ауылына жақын жерде Hyundai Accent маркалы көлік анықталды. Мемлекеттік тіркеу нөмірі жоқ. Зақымданған жерлері бар. Жүргізуші жақтағы есікке екі рет бытыралы мылтықпен оқ атқан», — дейді полицейлер.
Бірақ жарақат алған адамдар жоқ. Тәртіп сақшылары көліктің иесін анықтады. Ол облыстық білім сапасын бақылау департаментінде тіркелген. Оған Петропавл қаласының 25 жастағы тұрғыны жауапты. Оның айтуынша, 17 желтоқсан күні түнгі сағат 22:00-де көлік бұзылып қалған. Ол мемлекеттік тіркеу нөмірлерін алып, көлікті жол жиегінде қалдырып кеткен. Полицейлер бұл ақпаратты тексеріп жатыр.
Қазіргі кезде Қылмыстық кодекстің 202-бабы, 2-тармағы (Бөтеннің мүлкін қасақана жою немесе бүлдiру) бойынша сотқа дейінгі тергеу шаралары басталды. Оқ атқан адамдар іздестіріліп жатыр.
Оқи отырыңыз:
- Өскеменде жеті жасар баланы иттер талап өлтірді
- Қызылорда облысында аялдамада тұрған үш оқушы қыз жарақат алды
- АҚШ астронавты Қазақстанға ғарыштан құттықтау жолдады
Біздің әлеуметтік желілердегі парақшаларымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
