1 мамыр күні таңертең Өзбекстанда Сырдария облысындағы Сардоба су қоймасында орналасқан дамба жарылды. Құтқарушылар жақын маңдағы тұрғындарды көшіріп үлгерген, деп хабарлайды centralasian.org.
Жергілікті тұрғындардың бірінің айтуынша, төтенше жағдайлар министрлігінің, ішкі істер органдарының және Ұлттық гвардия қызметкерлері таң атпай халықты оятып, көшуге шақырған.
– Таңғы сағат 6-да кенеттен айқай басталды. Көшелерде милиция қызметкерлері «Тұрыңдар, көшіңдер, Сардоба су қоймасындағы дамба жарылды» деп айқайлап жүрді. Біздің үй су қоймасынан бір шақырым жерде орналасқан. Бірден құжаттарды алып, далаға шықтық. Елдің бәрі дүрбелеңге түсіп, көліктеріне отырып, қашып жатыр, біз де қаштық. Су гүрілдеп бірден басып қалды, біз көлікпен шығып үлгердік. 1 және 1А ауылы толық судың астында қалды, – деді ол.
Төтенше жағдайлар министрлігінің Сырдария облыстық басқармасының қызметкері дамба жарылғанын растады. Құрбан болғандар мен зардап шеккендер әзірге жоқ деді. Жалпы 12 мыңға жуық адам қауіпсіз аймаққа көшірілген.
Сардоба су қоймасы 2017 жылы салынған. Оған 922 миллион текше метр су сақталады. Оның биіктігі 28,8 метрді құрайды.
Оқи отырыңыз:
- Көкшетауда ерлі-зайыптыны өлтіріп кетті
- Алматы облысында Заречный кенті карантинге жабылды
- Карантиннен кейін қазақтың тойы қалай өзгереді?
Фото: видеоның скриншоты
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
