Басты бет Оқиға Түркістан облысы: Әйелін көшеде балтамен басын жарып, қолын шапқылап кеткен (видео)

Түркістан облысы: Әйелін көшеде балтамен басын жарып, қолын шапқылап кеткен (видео)

Түркістан облысында жантүршіктірер жағдай! Келес ауданы, Абай ауылында күйеуі өз әйелін көшеде кетіп бара жатқан жерінде балтамен ұрған, деп хабарлайды КТК телеарнасы.

Басы мен қолынан жараланған 46 жастағы әйелдің бір көзі енді көрмейді. Енді ғана есін жиған Әлия Әйтімбетованың айтуынша, ол үнемі зәбір көрсетіп келген күйеуінен екі аптадан бері қыздарымен бірге бөлек тұрып жүріпті. Мүгедек болып қалған Әлияның туыстары күйеу балалары енді жазадан құтылып кете ме деп қорқады.

Жан сақтау бөлімінен палатаға ауыстырылған Әлияның жағдайы: қолы шабылған, балта тиген басы қақ айрылғандай. Абай ауылындағы емханада медбике болып істейтін Әлия екі аптадан бері үнемі ұрып-соғатын күйеуінен кетіп, қыздарымен бөлек үйде тұрып жүрген. Таңертең жұмысқа кетіп бара жатқанда тып-тыныш көшеде ту сыртынан келген күйеуі екі қызының анасына басқа емес, балта жұмсапты.

— Жұмысқа шығып келе жатқанымда күйеуім Матқұлов Мұрат мені балталап тастады. Тегі сөзге келмейді, «өлтіремнен» басқаны айтпайды. 15 жыл отандасып, 16 жылдан бері көретін жәбірім сол. Тек зорлық пен зомбылық. «Жақындама маған, не болды саған, тыныштық па?» — десем, «сөйлеспеймін, сені өлтірем, сені өлтірем» — деп, мені балталап тастады.  

— Мына жердің бәрі қанжоса, көрсең, қорқасың, денең түршігеді.

Елуді еңсерген күйеуі әйеліне осы жерде шабуылдаған. Қайта әйелдің шыңғырған даусына жүргінші екі жігіт жүгіріп келген соң, Мұрат Матқұлов қаша жөнеліпті. Оқиға орнында көшені бақылайтын камера да орнатылған. Бірақ ол әлі іске қосылмапты. Көп қан жоғалтып, тым ауыр жағдайда ауруханаға түскен Әлияның тірі қалуы үшін дәрігерлер жарты күн ота жасаған. Ол үшін санавияция желісімен облыстан бірнеше дәрігер алдырылған.

Рүстем Раисов, Келес аудандық ауруханасы жарақаттану бөлімінің меңгерушісі:

— Басында, оң жағында жара, балтамен шабылған. Қолында, оң қолында, білегінде кесілген жарақаты және 5-ші саусағы сынған. Оның бәрі тігіліп, орнына қойылды.

Әлияның көршілері Мұрат туралы жақсы пікірде емес. Қара базарда валюта айырбастап, ақша табатын ол қоңсыларымен де сөйлеспейді екен. Ал Әлия соңғы уақытта көршілеріне көп шағымданыпты.

Майра Егембердиева, көршісі:

— «Күйеуім ұрады, мені де ұрады, қыздарды да ұрады, қыздар да азап-безер болды» дейтін. Өзі сәл біртүрлі, сол Мұрат.

Қазір қолға түскен оның, балтасымен бірге өзінен де сараптама алынған, тергеліп жатыр. Ал күндіз-түні ауруханада ауыр жарақат алған туысының тілеуін тілеп жүрген жақындары: «Күдікті жазадан құтылып кете ме?» деп қорқады.

Жанар Әйтімбетова, жәбірленушінің жеңгесі:

— Ажырасып та көрді бұнымен. Әйтеуір екі қызы жетім болмасын, осылар әкесі жоқ боп өспесін деп, жалынып келгеннен кейін, Құран ұстап, бізге ант-суын ішкеннен кейін, біз жарастырып… Осы уақытқа дейін жазаланбады ғой бұл. Неше рет ұрды, басқа қылды. Әйтеуір шығып кете береді ғой, тыныш қана. Енді осыдан құтылып кетпесін, әділ жазасын алсын.

Әлия Әйтімбетованың туыстары бұл істі прокуратура ерекше қадағалауға алғанын қалайды. Ал әйелін балталап, қансыраған күйінде тастай қашқан күдіктіге қатысты полицейлер «адам өлтіруге оқталу» бабымен іс қозғады. Бәрінен де, екі қызға қиын соққандай. Өйткені әбден шошып қалған оқушыларға психологтардың көмегі қажет.

Оқи отырыңыз:

Фото: видеоның скриншоты

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз

Соңғы жаңалықтар

Астанада жедел жәрдем бригадаларының саны азайғаны рас па?

Қазнетте Астанада жедел жәрдем бригадаларының саны азайғандығы туралы ақпарат тарады. Онда мұндай шешімді жедел жәрдем станциясының басшысы Мұрат Оразбаев жеке өзі қабылдағаны айтылған, деп...

Қазақстандықтардың моншаға аз баруына не себеп

Мәжіліс отырысында депутат Ерлан Саиров қазақстандықтардың моншаға аз бара бастағанын айтты. Оның пікірінше, оған азық-түлік бағасымен қоса қызмет көрсетудің де қымбаттауы себеп, деп хабарлайды...

Алдағы демалыс күндері 44 градусқа дейін ыстық болады

Синоптиктер 2023 жылдың 3-5 маусымында Қазақстанда ауа райы қандай болатынын айтты.   Болжамға сәйкес, еліміздің басым бөлігінде қатты аптап ыстық күтіледі, деп хабарлайды inbusiness.kz. "Қазгидромет" РМК хабарлауынша,...

“Ролан Гаррос” турнирінде 2020 жылдан бері алғаш рет ең ұзақ матч өтті

Әлемнің тоғызыншы ракеткасы италиялық Янник Синнердің неміс спортшыаы Даниэль Альтмайермен “Ролан Гаррос” турнирі екінші айналымы аясында өткізген ойыны 5 сағаттан астам уақытқа созылды, деп...

Қазақстанда ауыл мектептерінің саны күрт азайды

Ұлттық статистика бюросы Қазақстан мектептері жайлы деректерді жариялады, деп хабарлайды Ulysmedia.kz. Бюро мәліметінше, 2022-2023 оқу жылында барлығы 7687 мектеп жұмыс істеді. Ондағы мектептердің 31,6% қалада,...

Сенат спикері: Халықтың ақшасы тиімсіз жұмсалды

Сенат спикері Мәулен Әшімбаев халықтың ақшасы тиімсіз жұмсалып жатқанын айтты, деп хабарлайды Sputnik Қазақстан тілшісі. Сенаттың бүгінгі отырысында арнайы экономикалық аймақтар мәселесі қаралды. Индустрия және инфрақұрылымдық...

Мектеп оқушысы 30-ға жуық тілді қалай меңгеріп алғанын айтты

14 жастағы Айбат Ахметжан тілдерді меңгеріп қана қоймай оның тарихын да зерттеп, көне тілдерде еркін сөйлей алады. Бұл туралы полиглот жасөпірім "Таңшолпан" бағдарламасында айтып...