Таразда тойға барғандар уланып, ауруханаға түсті (видео)

180
Фото: pixabay.com

Таразда тойға барғандар астан уланып, шетінен ауруханаға түсіп жатыр. Әу баста бес адам жатқызылғанымен, қазір дәрігерлік көмекке жүгінгендер саны 30-ға таяп қалды, деп хабарлайды КТК телеарнасы.

Фото pixabay.com сатынан алынды

Мұхтар Шаханов, Алматы қаласының тұрғыны:

— Мен тойханада ет жедім. Бір котлет. Басқа артық ештеме жегем жоқ. Кола іштім. Бір инфекция түскен бе деймін тамаққа. Тек қана ет жеген адамдардың өзі, мысалы, сарқытқа алып барған ет жегенде де ауырып жатыр. Ет деген ол қайнатылған нәрсе ғой.

Қырық жасты тойлауға 80 адам жиналған екен. Қуанышқа қатысқаны да, қатыспағаны да ауруханаға түсіпті. Демек олар сарқыттан дәм татқан болуы ықтимал. Бәрінің іші тоқтамай, өздерін жайсыз сезінгендіктен емдеу мекемесіне келген. Науқастар саны 30-ға жуықтайды дегенмен, аруханада 7-і ем алуда. Оларға «ішек инфекциясы» деген диагноз қойылыпты. Дәрігерлер өмірлеріне «еш қауіп жоқ» дейді. Қазір қонақтардың неден уланғанын анықтау үшін тексеріс жүруде. Ал, той өткен мейрамхана әкімшісі өздеріне шаң жуытпай отыр. Айтуынша, сырқаттар ауруханаға той өткеннен кейін екі күннен соң түсе бастаған. Яғни, олар жолай бір жерден ауқаттанған немесе той «сарқытының мерзімін өткізіп жеген» дейді.

Ләззат Жақаева, мейрамхана әкімшісі:

— Той болады деген күні біз бәрін сол күні жасаймыз. Кешегі тамақты қою деген жоқ. Одан кейін ертесі күні де той болды кіші залда, ешқандай шағым болған жоқ.

Оқи отырыңыз: