Қалмұханбет Қасымов жаңа қызметке тағайындалды, деп хабарлайды Sputnik Қазақстан Ақордаға сілтеме жасап.
«Қалмұханбет Нұрмұханбетұлы Қасымов Қазақстан Республикасы Мемлекеттік күзет қызметінің бастығы болып тағайындалсын», — деп жазылған Тоқаевтың жарлығында.
Қасымов туралы не білеміз?
Қалмұханбет Қасымов Алматыдағы С.М. Киров атындағы Қазақ мемлекеттік университетінің (қазіргі ҚазҰУ) заң факультетін заңгер мамандығы бойынша бітірген. Бүгінде 62 жаста. Үш бала, жеті немере тәрбиелеп отыр.
Қасымов еңбек жолын тергеуші, аға тергеуші, тергеу бөлімінің бастығы болып бастаған.
Ішкі істер министрлігінің бірінші вице-министрі, вице-министрі, ішкі істер министрі болды. Қалмұханбет Қасымов ішкі істер министрлігін сегіз жыл басқарды. Қазақстан тәуелсіздік алған кезден бастап ішкі істер министрі 8 рет ауысты. Осы ауыс-түйіс арасында ең көп қызметте болған – Қайырбек Сүлейменов (1995-2003 жж), одан кейін – Қасымов.
2019 жылдың 12 ақпанынан бастап Қасымов президент көмекшісі — Қауіпсіздік кеңесінің хатшысы қызметін атқарған болатын.
Оқи отырыңыз:
- Павлодар облысының әкімі штаттық режимде жұмысын істеп жатыр
- Алматы мемлекеттік кірістер басқармасында парақорлар ұсталды
- Өңір әкімдерінің көбісі өзін Құдайдай сезінеді – саясаттанушы
