Президент Қасым-Жомарт Тоқаев Орталық Азия елдері мен Үндістан басшысына Ауғанстанға көмек көрсету туралы өтініш жасады, деп хабарлайды Sputnik Қазақстан.
«Орталық Азия – Үндістан» бірінші онлайн-саммиті кезінде Тоқаев Қазақстан Ауғанстанмен іс жүзінде өзара іс-қимылды жалғастырып, оған азық-түлік, бірінші кезекте қажетті тауарлар мен дәрі-дәрмек түрінде көмек жіберіп отыратынын айтты.
«Біздің саяси көзқарасымызға, жеке сенімімізге қарамастан, біз Ауғанстан мен оның халқын бұрын соңды болмаған қиындықтар мен гуманитарлық дағдарыс кезінде жалғыз қалдырмауымыз керек», — деді Қазақстан басшысы.
Республика президенті қауіпсіз және тұрақты Ауғанстан Азия елдерінің сауда-экономикалық байланыстарын кеңейту және дамуы үшін жаңа мүмкіндік ашатынына сенім білдірді.
Орталық Азия елдері мен Үндістанның тауар айналымы 2020 жылы 3 миллиард долларға жетті, Қазақстанның осы саудадағы үлес салмағы 80%-ті құрады.
«Орталық Азия – Үндістан» онлайн форматтағы бірінші саммитте елдер көшбасшылары мемлекеттер арасындағы түрлі саладағы ынтымақтастықты нығайту және кеңейту перспективаларын талқылады.
Іс-шараға Қазақстан, Тәжікстан, Өзбекстан, Қырғызстан, Түрікменстан президенттері және Үндістан премьер-министрі қатысты.
Оқи отырыңыз:
- Ләңгіні жігіттерден мықты ойнаған жас келін елдің көңілін көтерді (видео)
- 50 пайызын мемлекет төлейді: Министрлік тұрғын үйді жалға алу құнының жартысын төлеу тетігін әзірледі
- Қазақстанда онлайн-университеттер ашылады
Біздің әлеуметтік желілердегі парақшаларымызға жазылыңыз: Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
