Басты бет Саясат Президент Тоқаевтың Бішкекке сапары аясындағы келіссөздердің қорытындысы шықты

Тоқаевтың Бішкекке сапары аясындағы келіссөздердің қорытындысы шықты

Қазақстан президенті Қасым-Жомарт Тоқаевтың Бішкекке мемлекеттік сапары аясындағы келіссөздердің қорытындысы шығарылды, деп хабарлайды Sputnik Қазақстан.

Экономика және сауда-саттық

Тоқаев бірінші кезекте сауда-экономикалық байланыстар туралы айтып, қырғыз инвесторлары мен кәсіпкерлері үшін Қазақстанда, ал қазақстандықтарға Қырғызстанда қолайлы жағдай жасаудың маңыздылығын атап өтті.

Шекара бойындағы мәселелер бойынша ынтымақтастық тұрақты дамып келеді. Бақылау-өткізу пункттері жаңартылуда. Сондай-ақ, Қасым-Жомарт Тоқаев экспорттық-импорттық операцияларды қолдау және ынталандыру үшін шекарада тауарларды рәсімдеп, өңдейтін логистикалық орталық құруды ұсынды.

Су және экология

Мемлекет басшысы Орталық Азияның трансшекаралық өзендерінің су ресурстары ортақ меншік екенін атап өтті. Ондаған миллион адамның тағдыры, бүкіл аймақтың тұрақтылығы мен гүлденуі оларды тиімді пайдалануға байланысты.

«Қазақстан мен Қырғызстанның Шу-Талас өзені бассейндеріндегі өзара әрекеттестігі бүгінде әлемнің көптеген елі үшін жақсы үлгі болып отыр. Бізде мемлекетаралық су шаруашылығы құрылыстарын пайдалану бойынша бірлескен комиссия жұмыс істейді», — деді Қасым-Жомарт Тоқаев.

Қазақстан жыл сайын осы нысандарды үлестік қаржыландыруға, жөндеуге және қызмет көрсетуге қатысады.

«2000 жылдан бері біз осы мақсаттарға миллиард теңгеден астам қаржы бөлдік, қаржыландыру тәжірибесі жалғасады. Осы саладағы жағдайды ескере отырып, екіжақты форматта да, аймақтағы серіктестерімізбен де тығыз үйлестіру жұмысын жалғастыруға келістік», — деді Тоқаев.

Мәдени-гуманитарлық ынтымақтастық

Тараптар Қазақстан мен Қырғызстан студенттері, оның ішінде Қырғызстандағы қазақ және Қазақстандағы қырғыз диаспоралары үшін бюджеттік білім беру арнайы бағдарламасын әзірлеу мүмкіндігін талқылады.

Елдердің әрқайсысында мәдени күндер өткізу қажеттілігі туралы уағдаласты.

Қазақстан Қырғызстан үшін дәрігер дайындайды

Денсаулық сақтау және фармацевтика саласындағы ынтымақтастықты қолдаудың маңыздылығы да аталып өтті.

«Бір қызығы, Қазақстанның жоғары оқу орындарында 50-ден астам студент-дәрігер білім алуда. 100-ге жуық жетекші клиниканың, медициналық университет пен компания басшыларының қатысуымен Қырғызстанда қазақ медицинасының күндері өтті», — деді Тоқаев. 

Жаңа келісімдерге қол қойылды

Екі мемлекет арасында берік құқықтық база құрылды, онда 180 құжат бар.

«Бүгінде сондай-ақ екіжақты келісімдерге қол қойылды. Олардың арасында ынтымақтастықтың кешенді бағдарламасын атап өткім келеді, ол біздің серіктестігімізді нығайтуға айтарлықтай серпін беруі тиіс», — деп есептейді Тоқаев.

Сөзінің соңында мемлекет басшысы Қырғызстан президентімен келіссөздердің нәтижесіне қанағаттанатынын білдірді және қонақжайлылық пен кездесудің тамаша ұйымдастырылғаны үшін алғысын білдірді.

Қасым-Жомарт Тоқаев Қырғызстан басшысын 2020 жылы Қазақстанға сапармен келуге шақырды.

Бішкектегі ҰҚШҰ кеңесі

Еске сала кетейік, Тоқаев Қырғызстанда екі күн болады. Бейсенбі, 28 қарашада Бішкекте Ұжымдық қауіпсіздік шарт ұйымы (ҰҚШҰ) Ұжымдық қауіпсіздік кеңесінің сессиясы өтеді.

Күн тәртібінде Ұйым шеңберіндегі өзара іс-қимылдың кең ауқымды мәселелері қаралып, сондай-ақ ҰҚШҰ-ның биылғы қызметінің басым бағыттарын жүзеге асыру қорытындылары шығарылады.

Оқи отырыңыз:

Соңғы жаңалықтар

Мұсылман зиратына тасталған нәресте шетінеп кетті

Қостанай облысында мұсылман зиратынан тастанды шақалақ табылды. Безбүйрек анасы бейітке қалдырып кеткен сәби шетінеп кетіпті, деп хабарлайды КТК телеарнасы. Пакетке оралған баланы ата-бабасына тағзым етуге...

Нұр-Сұлтанда жол апаты болды — 13 адам ауруханаға жеткізілді

Елордада сағат 18:00-де "КамАЗ" пен автобус соқтығысты, деп хабарлайды Sputnik Қазақстан полиция департаментіне сілтеме жасап. Құқық қорғау органының мәліметіне сәйкес, "КамАЗ" Ақжол көшесімен қозғалып келе...

Қордайдағы оқиға: Қамауға алынған кейбір күдіктілер босатылды

Қордай ауданындағы жаппай тәртіпсіздіктерге қатысы бар кейбір адамдар қамаудан босатылды, деп мәлімеді ҚР БП арнайы прокурорлары қызметінің жетекшісі Ризабек Ожаров ОКК-да өткен брифингте, деп...

1 маусымнан бастап елімізде қандай нысандар іске қосылады

Ведомствоаралық комиссия блок-бекеттерді алып тастау және бірқатар саланың жұмысын жандандыру туралы шешім қабылдады, деп хабарлайды zakon.kz. Бүгін ҚР Премьер-Министрінің орынбасары Ералы Тоғжановтың төрағалығымен Коронавирустың таралуына...

1 маусымнан бастап бүкіл Қазақстан бойынша блок-бекеттер алынып тасталады

1 маусымнан бастап бүкіл Қазақстан бойынша блок-бекеттер алынып тасталады, деп хабарлайды zakon.kz. Жалпы, Қазақстанда 313 халықаралық бағыттар жұмыс істейді, олар бойынша 610 автобусқа ие 88...

Алматы облысында 15 жасар қыз аяқ-астынан көз жұмды

Алматы облысында 2005 жылғы қыз кенеттен қайтыс болды. Оқиға орнына жеткен дәрігерлер оған көмектесе алмады, деп хабарлайды zakon.kz. Қайғылы оқиға туралы жазба Илзат Акчуриннің facebook-тегі...

14 жасқа дейінгі балалар ел ішінде ұшақпен тегін ұша алады

Мемлекет ата-аналары бірге ел ішінде саяхаттауға алып шыққан балалар тасымалы үшін әуе компанияларына ақы төлеуге дайын. Бұл туралы Туризм индустриясы комитетінің басшысы мәлімдеді, деп...