Бірыңғай жинақтаушы зейнетақы қоры инвестициялық табыстың азаюына қатысты түсініктеме берді, деп хабарлайды Sputnik Қазақстан.
Қор басшысы Жанат Құрмановтың айтуынша, бүгінде зейнетқы жинақтары инфляциядан қорғалған. Мәселен, Ұлттық банк ол ақшаны бір жерге инвестиция ретінде құйғанда инфляцияның көрсеткіші ескеріледі.
«Сосын зейнетақы активтері сан алуан қаржы құралдарына салынады, әртүрлі мемлекеттерде, әртүрлі секторларда және әртүрлі валютамен құйылады. Осылайшы, қаржы портфелін әртараптандыру арқылы тұрақты табыс табуға мүмкіндік бар», — деді Құрманов бүгінгі онлайн брифингте.
Осы орайда ол зейнетақы жинақтарының қайда және қандай көлемде құйылғанын да айтып берді. Соның ішінде қаржы министрлігінің құнды қағаздары (37 процент), Ұлттық банктің ноталары (5 процент), квазимемлекеттік ұйымдардың облигациялары (15 процент) және екінші деңгейлі банктердің құнды қағаздары (10 процент) бар.
«Негізі зейнетақы жинақтары заң бойынша инфляциядан қорғалған. Зейнетақымен қамтамасыз ету заңнамасына сәйкес, мемлекет жинақтардың тұтастығына кепілдік береді. Сондықтан алаңдайтын еш негіз жоқ. Өйткені заңға сәйкес, мемлекет азаматтарға олардың зейнетақы жинақтарының инфляциядан қорғалуына кепілдік береді. Бір сөзбен айтқанда, салымшылар зейнетке шыққанда олардың жинақтары азайып қалса, мемлекет оны өтеп береді», — деп атап көрсетті Құрманов.
Оның сөзіне қарағанда, биыл доллардың бағамы өскеннен кейін шетелдік валютамен салынған зейнетақы активтері өсті. Осының арқасында жылдың аяғына дейін жинақтар инфляциядан қорғалады.
Оқи отырыңыз:
- 29 жыл ішінде қанша қытай Қазақстан азаматтығын алды
- Бас санитар дәрігер: мамыр айының соңына дейін 5 300 адам COVID-19 жұқтыруы мүмкін
- Бас санитар дәрігер коронавирусқа қатысты мәлімдеме жасады
Фото pixabay.com сайтынан алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
